ბინის ფერთა პალიტრა ხშირად ფაქტურებისა და მასალების ინსპირაციით იქმნება, ამიტომ სხვადასხვა ბუნებრივი ქვისა და ხის კომბინაციამ MODISH-ის ატმოსფერო პასტელურ ფერებში გადაწყვიტა. პროექტის წინაპირობა მაცხოვრებლების კლასიკური სტილისადმი სიყვარული გახდა, დანარჩენი კი ჩვენ მოგვანდეს.

ეგრედ წოდებული “მოლდინგებით” დატვირთული კედლები, დახვეწილი ფერები და ფაქტურები არჩეულ სტილს საფუძვლად დაედო, რომელსაც მეორე მხრივ, დავუპირისპირეთ თანამედროვე, მინიმალისტური დეტალები და ჩვენ მიერ შექმნილი, უნიკალური ავეჯის ჩანართები.

MODISH არის პროექტი, რომელმაც ერთ სივრცეში შეკრა დიზაინის სხვადასხვა მიმართულება და ხასიათი, მაგრამ ამასთანავე მოახერხა დარჩენილიყო ერთიანი, ფუნქციონალური და მყუდრო.